2009年10月21日領養咗毛毛，睇黎佢已經習慣家中生活，屋企人同男朋友都好鐘意佢，毛毛好乖又經常走黎嗲我又要我抱抱要我同佢玩
以往毛毛喺狗場（繁殖場）係負責生產小狗嘅狗女，雖然我唔知佢過住喺狗場嘅生活環境係點樣，但點都想像到係一個人間地獄，喺機緣巧合下...喺寵物網見有人遺棄毛毛一欄，即係嗰個無良嘅繁殖場老闆，見毛毛再生唔到小狗，無幼犬賣比寵物店出售膁少咗錢，毛毛破壞咗佢嘅財路，於是毛毛就慘被繁殖場老闆遺棄!!!! 真係無良心又無良!! 人渣!!
第一次見毛毛，佢滿身屎尿而且身上狗毛又打晒結，啲毛又灰又黃又臭，見到佢我個心好痛．心痛嘅係毛毛當日仲係好開心咁望仕我，不停咁向我擺尾，心痛見到佢雙眼非常天真善良，但係......一個小生命無做錯野，狗狗唔知發生咩事就比人遺棄，點解世上要動物受依種苦難???當時我內心只有一個想法，我要佢嘅生命得到人既尊重，我要比幸福毛毛!!
接咗毛毛走，就帶咗毛毛去寵物美容店剷毛同洗白白，毛毛身上有好多蝨，加上四隻吸血牛裨，佢有皮膚病，佢勁拗拗到個身紅晒，最後洗咗白白剷晒毛，開心晒舒服晒^^，買咗狗狗日用品同最緊要嘅藥物比佢，之後我同毛毛返屋企，毛毛終於都有家啦
第一日就立即要佢食杜虫藥，我用雞肉喂佢食，佢食得好緊張震晒，睇黎佢係第一次嘗試到雞肉嘅味道^^，第二日就比佢食心絲虫藥物，毛毛皮膚敏感成身紅晒，我就用含有藥性嘅沐浴液幫佢洗澡，要浸泡15分鐘，就咁樣轉眼間已有兩星期多....毛毛病情都好轉咗唔少，再過多幾天就要帶毛B去做身體檢查啦
