NOKIA 5800, ByeBye~

明天就耍向跟了我差不多一年的NOKIA5800手機說聲永別！

我知你陪我唔係好耐時間，不過用開都有點感情啊，雖然你係男友送既情人節禮物，不過....你唔係好岩我心水囉！

祝早日找到好主人吧...

期待SAMSNNG再一次回到我身邊啊，希望岩心水就好了！

http://hk.myblog.yahoo.com/olausen-lisa/article?mid=31780
如可給他們一生幸福，請留言或 olausenlisa@yahoo.com.hk ，大埔睇貓

所有貓貓都會打預防針後才給領養，會收回預防針費每針$250.00(有針咭)，另$150.00領養費(支助貓貓日常生活、醫療費)，絕育後的貓貓會收回絕育費(貓仔$300、貓女$500)

幫助貓貓義賣﹕http://hk.myblog.yahoo.com/olausenlisa1020
facebook﹕http://www.facebook.com/home.php#/album.php?aid=86220&id=710297755


領 養 須 知
1. 所有領養者必須滿21歲，如未滿21歲，必須經家長與我聯絡及陪同才可領養動物。超過21歲也要有經濟能力照顧到貓貓。
2. 一般動物如貓、狗等的壽命可以超過10年以上﹔在領養前一定要跟家人達成共識，清楚考慮是否有足夠能力、金錢及時間去照顧牠至終老。
3. 承諾妥善照顧動物至終老，不論是私人理由、情侶或夫妻分開，也不會將其拋棄。
4. 動物都是生命，請尊重愛惜牠，不要以牠作為禮物或紀念品送給別人。
5. 在任何情況下，都不會容許牠被利用作繁殖或實驗用途。
6. 要以愛心及獎勵去訓練動物，不會恐嚇或懲罰牠。
7. 承諾會帶牠到認可獸醫診所作定期健康檢查、防疫注射及診治疾病或創傷。
8. 如牠未接受絕育手術，要在其六個月大或發情期前帶牠到認可的獸醫診所進行有關手術

*家 裡 必 需 裝 上 窗 網 ， 預 防 貓 貓 跳 樓  *

決定養小動物前，請停一停、諗一諗
http://www.isd.gov.hk/chi/tvapi/06_ag18.html

養貓之前的考慮
http://hk.myblog.yahoo.com/olausen-lisa/article?mid=4104&fid=10

裝窗網的重要
http://hk.myblog.yahoo.com/olausen-lisa/article?mid=2972&fid=25

 請   幫   忙   轉   貼   ，   唔   該   晒

天氣咁好，下午我帶左毛毛去公園仔玩左半日！但今次係街上毛毛無綁狗帶，因為毛毛一綁狗帶就唔肯行，所以我要睇實佢，but毛毛好乖，一路都有跟住我行，只係失手左幾次而已，有時候係要用零食引下佢先行囉！不過佢真係進步左好多啊

去完公園仔之後，同毛毛去超市買野，我放佢係架車仔到～佢好好奇，抱住佢去街市經過燒味店，哈哈～見佢望實d燒味流晒口水個樣真係好好笑！

阿爸後生時只係工作，到老左之後真係無點去過香港既地方，而佢去過既地方我諗就只係九龍區而已，今次我終於都帶老豆去左香港體育館睇中國女排比賽，佢真係好開心好興奮，佢向我講第一次去咁靚既地方，真係去睇下已經好好，我就同佢講啦，係啊！你仲可以入埋去睇中國女排添，阿爸邊講就眼淚汪汪咁，我諗佢真係好難忘這一刻，佢覺得自己老啦，仲可以去到未去過既地方而感動

阿爸年紀已經大，每行一段路都要停一停休息一會，老人家出門真係辛苦，有機會再出門我想租架輪車比佢坐！

全程佢都好緊張中國隊會輸比日本，哈哈！！

到左會場，佢真係好開心非常好奇咁周圍望，佢話香港體育館好靚！個電視好大！好多人一齊為中國加油！

估唔到平日唔笑又惡既老豆會一齊玩人浪，我真係望得目瞪口呆，原來依個先係真正既佢，啊爸佢係一個好易滿足既人，平日我同阿爸都無咩計傾又嘈架，依加我就更加了解佢，啊爸老啦....我想佢有更多好既回憶，我認我唔係考順女囉，但我知咩叫珍惜眼前人，尤其係至親既家人，當失去時就真係後悔莫及了

去完買票，同啊賢行左一陣淘大商場，晚飯時間去左泰禾味泰國菜館門口八八有咩野食，見$58元火鍋同$48元羊腩煲,都唔係好貴，之後就入左去啦，原來坐底左之後，每位都送魚翅一碗架，我地叫左一個冬陰公火鍋加羊腩煲，同通菜加粉絲，好好食啊，埋單都係124元已加1服務!

無聊影下水樽，d光源我無加上去架，係白燈反射出來既效果.... 我覺得........又真係幾靚喎! 認同嗎?

今日終於去左九龍灣買東亞運動會2009入場票，
天日就同啊爸去香港體育館睇晚上八時正開始既中國vs日本女子排球賽事啦，
啊爸佢話平時都係睇電視支持中國女排多，
食到咁老咩地方都未去過，難得香港舉運動賽事，好想睇下現場咁話，聽完之後個心upup地，
於是我就決定應承帶佢去現場睇賽事，
啊爸興奮到仲吹我快D出門口買票怕比人買晒，
今次老豆終於可以親身去支持中國隊，
感受下現場氣氛！真係好開心！！

好耐無見過啊傻寶寶真係好掛住佢啊，今日有幸寶寶同阿媽過左黎，我已經迫不及待比左件新既狗狗衫寶寶著，件花花圖案衫仔真係好岩寶寶，花花圖案同傻寶個樣一樣咁甜美！

係上星期我行經旺角，見寵物衫仔每件10蚊咋，所以當日我就買左四件14碼既狗狗衫，如果下次貝貝有機會再來，我都想比件貝貝著！

好可惜毛毛唔係好岩身，心口位有些少迫迫地，因為毛毛比較肥(阿媽都話係)，反而14碼既狗狗衫都幾岩寶寶身型，所以毛毛要著15碼既狗狗衫囉，毛毛又真係岡左d...要減肥@@?

難得寶寶過左黎，啊爸就緊係同佢玩&喂野食比佢食啦，

睇下毛毛同寶寶個為食樣

阿媽同班師拉去左黃大仙半日，所以寶寶今日過左黎玩啦，一黎到當然係屋企周圍八周圍走來走去，後來就走左入房霸左毛毛張床．毛毛有見及此，緊係立即向傻寶作出反擊啦！睇黎小惡霸寶寶真係唔多怕毛毛既反擊，反而仲覺得毛毛好煩tim而傻毛所謂既反擊............原來就只係彈彈下同吠左幾聲囉^^

今早再去了解情況，佢隻耳仔唔熱啦，毛毛仲係同平日一樣咁為食唔似病咁．咁我都放心晒啦

最近有狗流感，如果毛毛真係發燒既話.....咁就慘啦...

 狗 狗 居 家 照 護 急 救 方 法 ！

一般而言，狗狗的個性比起貓貓要來的活潑好動許多，因而發生居家意外的機率也比較高；不過你可知道，當狗狗發生意外時，身為飼主的你，應該要怎樣為牠進行急救處理嗎？
和優雅沉靜的貓貓相比，狗狗活潑好動的個性，正是牠們引人喜愛的地方，尤其狗狗與飼主之間的往來互動頻繁，再加上從小到大都可愛到不行的模樣，很難不讓人將牠們疼愛得緊。
不過，凡事過與不及都不太好，一般而言，就是因為狗狗的個性比起貓咪要來得活潑太多，發生意外的機率，也比貓咪要來得高上許多。
本期筆者就要為大家介紹幾種狗狗居家常見的意外事故，以及飼主如何在第一時間給予緊急處理，進而保全汪汪們的寶貴小生命。

（一）抽 筋
當狗狗發生抽筋的現象時，主人千萬先別慌張，自己要先冷靜下來，才能進而幫助狗狗度過緊急時刻。
＊狀況：不停抽搐、身體僵硬、嘴巴時開時閉、舌頭往外掉
＊處理方法：狗狗出現抽搐或痙攣的現象時，首先先別碰觸狗狗的身體，並且在第一時間裡趕緊將牠身旁的物品移開，以免狗狗在抽筋的過程中，誤撞到其他東西。
此時，一面確認狗狗的呼吸是否正常，一面等待狗狗平靜下來；當牠恢復平靜之後，趕快把狗狗的頸鍊和項圈拿下來，並且趕緊送往動物醫院，並詳細向獸醫描述狗狗當時抽搐的過程和現象。

(閱讀全文)

最近新聞話發現內地狗狗有流感，養寵物成高危人士，我就唔怕啦，最緊要寵物同主人都要注意衛生咁就唔駛怕啦！！

毛毛又長左毛啦，傻毛毛既毛要快D生長啊，發覺毛毛依加越來越曳，叫佢過來都唔彩人，啍！日日掛住食，就來變肥豬仔啦

最近睇左《2012末日預言》&《忍者刺客》，我覺得《明日之後》比起《2012末日預言》感覺較為真實，起碼係講緊地球現時既全球暖化同反氣候現像帶來既災害切身問題，睇完我真係有點驚，而《2012末日預言》就真係跨張左少少啦....感覺似科幻片咁，睇完無乜感覺

尋日我就睇左《忍者刺客》，套片比較血腥，而劇情都幾緊張下，真係估唔到阿Rain佢除左跳舞叻之外，原來拍武打片都一樣掂喎！加上佢個樣，好亞洲look，尤其係對眼！扮忍者都幾似下...哈哈

第一次整炒飯

材料因人喜好，而我就用青豆，甘筍粒同栗米粒加午餐肉粒一齊去炒

材料係凍肉店可以買到，都只係五元咋！

緊記白飯要加雞蛋，一齊兜至金黃色就可以啦

(毛毛都話好食)